Thursday, May 14, 2009

ASUS Ultimate 2009 Overclocking Show

Ang Asus adunay Ultimate 2009 Overclocking Show nga pagahimuon sa SM City Cebu karong Mayo 23, 2009, Sabado, alas tres hangtod alas singko sa kahapunon (3:00 PM - 5:00 PM) diha sa Entertainment Plaza duol ra gyud sa Foodcourt. Nahimutang ang maong lugar sa kinaubsang bahin sa maong edipisyo. Usa kini sa trese ka adlaw nga kalihukan kalabot sa pagpasundanyag sa ASUS PC nga gihimo kagahapong adlawa ug mahuman karong domingo (May 14-27).

Aron mabulukon ang maong kalihukan, naghimo sila ug kompetisyon, nga gitawag ug Overclocking, alang sa mga mahiligon sa kompyuter. Ang tumong ug tuyo niini mao ang pagpamatuod sa mga kutikutihan ug kompyuter sa ilang kabangkaagan ug kaalam unsaon sa pagpaanindot sa dagan sa ordinaryong kompyuter nga susama na kini ug abilidad sa mga mahalong kompyuter ginamit ang nagkada-iya ug mga baratuhong piyesa gikan sa lain-laing marka sa kompyuter. Usa kini ka paagi aron mominus ang gastos ikompara sa mga presyo sa bag-ong nanggawas nga mga modelo.

Giawhag ang tanang interesado sa pagtambong sa maong kalihukan karong sabado sa hapon adto sa SM Cebu. Magkita kita lang ta ninyo didto puhon!

Cebu Bloggers Society will be joining this event. Seeyah!

No comments: